عبر صفحتها الرسميّة على موقع التواصل الإجتماعي فيسبوك، نشرت الممثلة السوريّة صباح الجزائري، المعروفة في الوطن العربي بدور "أم عصام" في مسلسل البيئة الشاميّة "باب الحارة"، صورةً رومانسيّة تجمعها بزوجها مع رسالة مُعبّرة لمتابعيها.
" عشقي الأبدي. شو حلو الحب يكون هيك ويدوم سنين بنفس القوة متل أول يوم"، بهذه الكلمات تبدأ صباح الجزائري منشورها، وتتابع بنشر رسالةٍ من زوجها لها بالقول:
" كتب زوجي لي كلمات حبّيت اشاركها معكم: 38 سنة معك، بحبك متل ما حبيتك أول يوم بكل شي فيك، بكل تفاصيلك، بحب شعرك الأحمر وعيونك وتمك وخدودك الجوري. انت ذكرياتي الحلوة وأيام شبابي. العالم بتتمنى تشوفك وانا اليوم محظوظ إني حافظت عليك ۳۸ سنة وحبيتك كل يوم من كل قلبي. كل سنة وانت حبيبتي وشريكتي وصباحي".
وعقّبت صباح الجزائري على رسالة زوجها بالقول " لهيك يا غوالي، عندما يكون الحب طالع من القلب بيوصل للقلب. حبوا بعض، ما بتعرف الدنيا رح تاخد مين قبل مين. حبّوا بعض بحياة بعض، تحياتي الكم".