أغنية "غنوجة بيّا" بكلمات جديدة تُحاكي حال البلد: "سرقوني وأخدوا مالي" (فيديو)

أطلقت الممثلة ريتا برصونا نسخة جديدة من أغنية مسلسل "غنوجة بيّا" الشهيرة عبر تويتر، بكلمات جديدة تُحاكي حال البلد تزامناً مع الإحتجاجات المُستمرة في المناطق اللبنانية لليوم السابع.

وتقول كلمات الأغنية الجديدة:

"سرقوني وأخدوا مالي، هالنايب وهالوزير

قال عم بيشتغلوا كرمالي، طعموني تبن وشعير

ما بقى فيي إحمل يا بابا، صار بدّي الحاكم يطير

لبرّا جايي قلكن، كلكن يعني كلكن

كان عندي شغل وسيارة، كان عندي صحة ونضارة

سرقتوا مني كل شي، وركّبتوني ع حمارة

بس نسيتوا أنا مين، أنا لبنانية جبارة

أنا الطايفة أنا الدين، أنا فينيقيا الحضارة

لبرّا جايي قلكن، كلكن يعني كلكن".

هدية مني للحكومة :) جميع حقوق التوزيع محفوظة للثوار :) بليز share مع دبكة لكل الغيرانين من مظاهراتنا . pic.twitter.com/aDPe0R8z2K

— Rita Barsona (@ritabarsona) October 22, 2019