هل تعتزل الممثلة نادين نسيب نجيم قريباً؟ إنه السؤال الّذي أعاده برنامج The Insider إلى الواجهة من جديد في مداخلة هاتفيّة مع نجيم الّتي كشفت عن المخطط الّذي رسمته لإعلان إعتزالها، فقالت:
"يعني حاطة كم شغلة اللي بدّي اعملها، إنسحب بطريقة كتير ذكيّة من الوسط بالوقت اللازم مش فجأة ولا بسرعة".
وكشفت نادين نجيم تأجيل خطوة إعتزالها قائلةً "كنت عأساس لو نزل هيدي السنة مسلسل عشرين عشرين ما كنت رح اشتغل اللي بعدها، كنت رح آخد إجازة طويلة، إجت الإجازة لحالها متل كأنو ربّنا عم بيقلّي مش هلق".
ولكن ما هو السبب الآخر الّذي يمنع نادين نجيم اليوم من الإعتزال؟
تجيب "وقّعت من 3 سنين انو بدي أعمل مسلسلات الـ 15 حلقة من وقت ما بلّش يطلع موضوع المنصات الرقمية، وكنا عم نأجلو لأن ما كنت عم لاقيلو وقت، فهلق صار وقته إجا عالقد".