تفاعل النجوم عبر مواقع التواصل الإجتماعي مع خبر الانفجار الّذي هزّ مرفأ بيروت يوم أمس الثلاثاء، وإليكم أبرز ما ورد في منشوراتهم:
غرّدت الفنانة نجوى كرم على تويتر بالقول " يا ربّ لا تهجر سما لبنان"، وكتبت الفنانة نوال الزغبي "ليلة سوداء وحزن عميق عم بتعيشو بيروت هيدي الليلة محفورة بذاكرة اللبنانية. يا رب تحمي هالبلد وشعبه".
وبعد تغريدة " اللي صار اليوم ببيروت بيبكّي"، غرّدت الفنانة هيفاء وهبي قائلةً " قلبي عم بيوجعني عللي صار ببيروت، ابشع يوم شفته بحياتي. يا رب تصبر شعبنا واهالينا، يا رب ترحم اللي استشهدوا، يا رب تشفي كل مصاب، لا تنسوا اللبنانيين في دعائكم".
أمّا الفنانة نانسي عجرم فدوّنت "يا رب ما إلنا غيرك.. لبنان". وتساءلت الفنانة كارول سماحة " كيف بعد بيقدروا يحطوا راسهن على المخدة ويناموا؟! صدقوني اتخطينا مرحلة الفساد من زمان. الله يخفف من وجع الناس. مش قادرة لاقي كلام يعبر عن اللي عم حسو".
وكتب الفنان عاصي الحلاني " بيروت عم تبكي بكل ما تحمله الكلمة من معنى ما حدث وما رأيته بأم العين اليوم شبيه بإعصار لم أرى طول سنوات الحرب مثل هذا المشهد. يا رب توكن معنا على هذه الكارثة. وكل ما حصل بسبب الإستهتار وعدم المسؤولية للأسف؟ الله يرحم الشهداء اتمنى الشفاء العاجل للجرحى".
وغرّد الفنان زين العمر بالقول " شاركونا الصلاة من كل العالم من أجل لبنان. لا تتخلى عنا، عينك ع وطننا".
وأعرب الاعلامي هشام حداد عن غضبه في سلسلة تغريدات جاء فيها "بقاء الطبقة السياسية في لبنان من كبيرها لزغيرها أصبح جريمة موصوفة، انهم يقتلون الشعب حرفياً. اكبر انفجار في العالم من بعد هيروشيما ولا نستفيق على خبر استقالة رئيس او اعتقال مسؤول؟ ولك ماتوا كل الناس، ولك حسوا عدمكن".
وصبّت الاعلامية كارلا حداد غضبها على المسؤولين فكتبت "علقوا المشانق لهالعملاء والمجرمين لهالوجوه النحس. الله ياخدكم اليوم قبل بكرا". وتابعت " الله يصبّر العالم يلي فقدوا ناسهم ويرحم الموتى".
كما كتبت الاعلامية رابعة الزيات " ما لازم يطلع الفجر قبل معرفة شو صار! مين المسؤول عن هالنكبة؟ مين دمّر بيروت وقتل الأبرياء وحرق قلوب؟ معرفة الحقيقة الآن قبل غداً والإنتقام من المجرمين".
وبحزنٍ، دوّنت الممثلة ماغي بو غصن " نحنا الشعب اللبناني العظيم. نحنا منكوبين، منهارين. عالم اختربت بيوتا شهداء، منصابين. بيوتنا تكسرت. ما بيشيلنا الا رحمة الله، ما النا غيرك يا الله، ما النا حدا، ولا حدا".
أمّا الممثلة دانييلا رحمة فكتبت " اخ يا بلد. الله يرحم هالناس ويحمي هالبلد من كل شر... بلدي لبنان مش بخير انا مش بخير". واكتفت الممثلة ورد الخال بنشر صورتها وهي تبكي مع العلم اللبناني.
A post shared by Ward El Khal ورد الخال🌹⭐️🎭🇱🇧♍️ (@wardelkhalonset) on
وقال الممثل باسم مغنية " يا بيروت قومي من تحت الردم. بيروت المدينة التي أحب وأعشق وترعرعت فيها. قومي عانقي أحبابك وأنا منهم كي تستمدي منا القوة والحب، قومي اسحقي وقاومي كل من تآمر عليكي وخذلك. قومي إكراماً للبنان الجريح الذي ينتظر نهوضك ليشفى. قومي إكراماً لنا".
وتساءلت الممثلة كارمن لبس " أصغر بلد وأفقر بلد عالبحر المتوسط، وبرضو مش راضيين يتركو بحالو. ما بكفي بقى؟ مش حاجتنا حزن وقهر؟ الله ينتقم من كل يلي مش عم يرحم لبنان".
ونشرت الممثلة رولا حمادة عبارة "في لبنان، نحن لا نعيش. إننا فقط ننجو". وبكت الممثلة ريتا برصونا في فيديو يحمل عنوان "لبنان لن يموت" قالت فيه أن قلبها مكسور على بلدها.
#لبنان_لن_يموت
A post shared by Rita Barsona (@ritabarsona) on
ورفعت الممثلة ندى ابو فرحات عبارة "ما بقى فينا نتحمل رحمونا"، وتابعت في تغريدة أخرى " إذا حدا شتمكن بتوقفوه بلحظة وبتنزلوا فيه لبيط وخبيط، أما اللي بيرتكب مجزرة بحق الشعب بتبعتوه عبيتو يغفى بتختو بسلام! انشالله كل غضب أهالي الضحايا ينزل عليكن وعولادكن! الله يصبر أهالي الضحايا".
ونشرت الممثلة داليدا خليل لقطات لسيارة شقيقتها المحطمة بسبب الإنفجار، وعلّقت " ارحمونا وارحموا هالبلد. بتمنى الشفاء للجرحى والمصابين والله يرحم الشهداء ويصبر أهاليهم والحمدالله إنو إختي بخير بعد ما تكسرت سيارتها بالإنفجار وهي بقلبها".
ارحمونا وارحموا هالبلد😢 بتمنى الشفا للجرحى والمصابين والله يرحم الشهدا ويصبر أهالين والحمدالله إنو إختي بخير بعد ما تكسرت سيارتها بالإنفجار وهي بقلبها 🙏 #لبنان #بيروت_لبنان #prayforlebanon #داليدا_خليل
A post shared by 𝑫𝒂𝒍𝒊𝒅𝒂 𝑨𝒏𝒕𝒐𝒊𝒏𝒆 𝑲𝒉𝒂𝒍𝒊𝒍 (@dalidakhalilofficial) on
وكتب الممثل يوسف الخال " بعتذر منّك يا لبنان... ربينا نِحلم فيك، إنتْ يا هالفكرة الحلوة، يا هالوطن اللي ما رح يصير. إنتْ أحلى بالخيال، إنتْ أكبر بالمنام، وهلّق مَرّة جديدة، بعدما انخَلَط أحمر الدم بالدم، ومسؤولين بميّة لَون وولا هَمُّن هَمّ، بعتذر منّك يا لبنان".