في أمسية شعرية غير تقليدية، نظم الشاعر نزار فرنسيس شعراً عن 5 شخصيات لبنانية أثناء حلوله ضيفاً على برنامج "في male" الّذي تقدّمه الإعلاميّة كارلا حداد عبر شاشة الـ LBCI.
وقال فرنسيس عن وزير التربية طارق المجذوب: "جيت بظرف مش انت نقّيتو، صعب وْمش متل ما تمنّيتو، لكن منتمنّى بجهودك انت، تقوّوا لهالطالب الانترنت، تيكون قادر يدرس ببيتو".
كما نظم شعراً عن قائد الجيش العماد جوزيف عون: " شعري إلك كلمات فيها بهزّ كون، وبسكبلك الدمّات بدل الحبر لون، يا قائد الزلم الي بتحمي بيوتنا، رب السما يحميك يا جوزيف عون".
كما ألقى شعراً عن اللواء عباس ابراهيم قائلاً: "لمّا بلادي بْيتقلوا أحمالها، بتسأل عن الي برموش عينو شالها، وْمين غيرك انت يا عزّ الرجال، يوم الوفا بتنعدّ أوفى رْجالها".
وقال عن الفنان عاصي الحلاني: "فنّك مسيرِة.. مرجلِة.. وْدبكِة، وْشعبي وْرومنسي وْطرَب لَيك انتَمى، شمخِة جْبينك وحدها بْتحكي، ما هَمَّك مْن الأرض.. عينك بالسما".
وختم أمسيته الشعرية بشعر عن الفنانة نجوى كرم قائلاً: "وجّك بيشرق شمس عَ هالكون، وْصوتك بيرفع للسما جْبين العلم، انتي اللي ما في متل لونك لون، انتي لون لبنان.. يا نجوى كرم".