وجّهت النجمة نانسي عجرم رسالةً إلى الكادر الطبّي الّذي يحارب فيروس كورونا عبر أداء واجبه المهني رغم خطورة الوضع الصحّي، وذلك عبر سلسلة تغريدات على حسابها الرسمي على موقع التواصل الإجتماعي تويتر.
وفي التفاصيل، كتبت الفنانة نانسي عجرم "نحنا تعبنا بس انتو ما استسلمتوا، نحنا خايفين بس انتو بعدكن متحدين، نحنا عم نضعف بس انتو قوّتنا... أطباء وممرضين ومسعفين، انتو أشخاص عم بتقاوموا التعب وتواجهوا الخوف لتحمونا. عم بتحاربوا الموت لتبقى الحياة".
وأضافت عجرم في تغريدةٍ ثانية "انتو ما عم بتناموا سهرانين على سلامتنا، انتو بعاد عن بيوتكن حتى نحنا نبقى محميين ببيوتنا، انتو محرومين من أهلكن حتى نحنا ما نخسر أهلنا، انتو عم تهتموا بكل مريض بوقت نحنا محرومين نرافقن.. إلكن انتو كل الطاقم الطبي شو ما قلنا قليل وصعب كتير نوصف الحب يلي عم تقدمولنا ياه بلا أي مقابل".
وختمت نانسي رسالتها بالقول "كل طبيب، كل ممرض، كل مسعف.. انتو مش جيش أبيض وبس، انتو قلوب شفافة وصادقة ما بتعرف الا تحب ورح تبقى تحب بصدق وبدون مقابل لأن عالمنا بحاجة لكتير حب حتى يشفى".