نادين نسيب نجيم تسترجع ذكريات 4 آب من بيتها المدمّر: "بغفلة عين فجّرونا"

إسترجعت الممثلة نادين نسيب نجيم ذكريات أليمة عاشتها يوم الرابع من آب بعدما نجت بأعجوبة من داخل منزلها المدمّر بسبب إنفجار المرفأ في بيروت.

فنشرت نادين نجيم صوراً من داخل منزلها، وأرفقت منشورها بتعليق مؤثر "بذكرى ٤ آب، ما رح ننسى ابداً الجريمة الإنسانية يلي صارت بحق الشعب اللبناني. هيدي مش حرب، هيدا كان نهار طبيعي متل كل ايام السنة والناس قاعدة ببيوتها بأمان مرتاحة".

وتابعت نجيم "فجأة بلحظة وبغفلة عين فجّرونا! ليش؟ كلنا منعرف الجواب. الله اكبر منكم والله مع كل انسان اتضرر جسدياً ومعنوياً ومادياً الله يرحم الضحايا ويصبّر اهلهم".

وختمت نادين نسيب نجيم بالقول "الحجر بيتعوّض بس الإنسان ما بيتعوّض. ما في شي رح يعوّضنا غير عدالة السما".