01 آب 2019 - 10:25
Back

السيّد يرد على شقير: "عم تربحنا جميلة أنو وفّرت من السرقة لتبرر سرقة أكبر؟"

سلسلة تغريدات للنائب جميل السيد... Lebanon, news ,lbci ,أخبار LBCI, جميل السيد,لبنان,سلسلة تغريدات للنائب جميل السيد...
episodes
السيّد يرد على شقير: "عم تربحنا جميلة أنو وفّرت من السرقة لتبرر سرقة أكبر؟"
Lebanon News
غرد النائب جميل السيّد عبر حسابه على تويتر ردا على بيان المكتب الاعلامي لوزير الاتصالات محمد شقير بشأن مسألة إيجار مبنى شركة "تاتش" في سوليدير.
الإعلان
 
وفي سلسلة تغريدات، كتب السيّد:
 
"بيان لوزير الإتصالات أنه إشترى مبنى لشركة الخليوي بالسوليدير ب٧٥ مليون دولار،
وأنه وفّر على الدولة!
كيف وزير واحد بشطبة قلم منّو بيشتري مبنى بـ ٧٥ مليون دولار بمال الناس؟! من دون تجهيزاته بـ٢٠ مليون!!
عم تستحمر الناس إنت؟!
عم تربحنا جميلة أنو وفّرت من السرقة لتبرر سرقة أكبر؟!.

إنت عم تشتري من مال الناس بالسوليدير بأغلى منطقة بلبنان؟
مال بيّك هيدا؟؟
دولتك بدها ضريبة ألف ليرة عالأركيلة والمتقاعد وإنت بتبعزق بالملايين وإقتصادك عم ينهار والبلد مفلّس؟ 
وينك من هالوزير يا حكومة ويا مجلس نواب!
وينك يا شعب بينهبوك تحت عيونك وبتتفرّج،
وين المشنقة لهيك ناس؟!

وعم تربّحنا جميلة انك سهرت كل الليل حتى رتبت الصفقة لتوفّر عن الشعب اللبناني؟!
إنّو وفّرت من السرقة حتى تبرّر السرقة الأكبر؟!
على مين عّم تضحك يا وقح ؟!
إنت منين جابوك بآخر هالزمن؟!
إنتَ من شو مصنوع ومجبول؟!
والله أمثالك لازم الناس ينزلوا عليك على مكتبك ويأدّبوك...".
 

إقرأ أيضاً