09 آب 2018 - 10:35
Back

إليسا والسرطان.. ميساء رعد تُعلّق:"فتحتلي جروحاتي"

ميساء رعد تُعلق على مرض إليسا Lebanon, news ,lbci ,أخبار سرطان, إليسا,ميساء رعد,ميساء رعد تُعلق على مرض إليسا
episodes
إليسا والسرطان.. ميساء رعد تُعلّق:"فتحتلي جروحاتي"
Lebanon News
علّقت السيدة اللبنانية ميساء رعد، التي تُحارب السرطان للمرة الثانية، على كليب أغنية "إلى كلّ اللي بيحبوني" الذي أطلقته النجمة إليسا، موثقةً فيه تجربتها مع سرطان الثدي.

وقد نشرت ميساء رعد صورة من الكليب وعلّقت عليها بالقول: "أول ما مرضت صرت فتش عالسوشيال ميديا عن تجارب مرضى السرطان وخاصة النساء لشوف كيف تعاطوا مع المرض واستمد منهن القوة وللأسف ما لقيت حدن عربي شاركنا تفاصيل تجربتو يللي الاكترية بيعتبروه محظور اجتماعياً انو نفصح عن مرضنا للناس".
الإعلان

وأضافت رعد: "يمكن هيدا كان الحافز الاول يللي دفعني لشارككن تجربتي وقررت كون أنا مصدر قوة وأمل لغيري يللي عّم بخوضوا حرب مع هيدا المرض أو مع غيرو".

وقالت ميساء رعد إن "تجربة إليسا يللي وثقتها بالفيديو أثرت فيي من كذا جانب. أول شي زعلت عليها لأن ما بتمنى هالمرض لأي حدن. تاني شي فتحتلي جروحاتي ورجعتني لكل مراحل مرضي القاسية وحسيت فيها أكيد أكتر منكن لأن أنا عشت جواتها بتجربتها".

وختمت قائلة: "آخر شي انبسطت إنو في امرأة عربية مشهورة تجرأت ونشرت قصتها لتكون درس لإلنا كلنا. أول شي بوعي وبشجع غير المصابين إنو يعملوا فحوصات مبكرة ممكن تجنبهن المرض وتاني شي درس للمصابين بهالمرض يكون عندهن القوة والإيمان والعزيمة لقهرو... شكرًا إليسا".

إليكم ما نشرته ميساء:

 

‎اول ما مرضت صرت فتش عالسوشيال ميديا عن تجارب مرضى السرطان وخاصة النساء لشوف كيف تعاطوا مع المرض واستمد منهن القوة وللأسف ما لقيت حدن عربي شاركنا تفاصيل تجربتو يللي الاكترية بيعتبروه taboo subject ‎محظور اجتماعياً انو نفصح عن مرضنا للناس ‎ويمكن هيدا كان الحافز الاول يللي دفعني لشارككن تجربتي وقررت كون انا مصدر قوة وامل لغيري يللي عّم بخوضوا حرب مع هيدا المرض او مع غيرو (وإنشالله انجح بقراري ) ‎تجربة أليسا يللي وثقتها بالفيديو أثرت فيي من كذا جانب. اول شي زعلت عليها لأن ما بتمنى هالمرض لأي حدن. تاني شي فتحتلي جروحاتي ورجعتني لكل مراحل مرضي القاسية وحسيت فيها اكيد اكتر منكن لأن انا عشت جواتها بتجربتها. وآخر شي انبسطت انو في امرأة عربية مشهورة تجرأت ونشرت قصتها لتكون درس لإلنا كلنا. اول شي بوعي وبشجع الغير مصابين انو يعملو فحوصات مبكرة ممكن تجنبهن المرض وتاني شي درس للمصابين بهالمرض يكون عندهن القوة والإيمان والعزيمة لقهرو ... شكرًا أليسا #اليسا @elissazkh عفكرة اليسا و انا عيدنا ب 27 October 😊 كرمال هيك بحبا

A post shared by Mayssa ✨ (@mayssa.raad) on


إقرأ أيضاً