بالجرم المشهود 3 ..القنبلة: الحريري "جانن" و"ما عم...

3^min

نشرت جريدة "الاخبار" لليوم الثالث تسجيلات صوتية للنائب عقاب صقر تثبت تورطه والنائب سعد الحريري بتسليح "المعارضين" السوريين والارهابيين ودعم الجيش السوري الحر.

*** للاستماع الى تسجيل المكالمة إضغط هنا

وفي ما يلي، نص التسجيل الرابع لاتصال بين النائب عقاب صقر وأحد قادة المعارضة السورية المسلحة واسمه لؤي المقداد :

- عقاب صقر : "الرئيس الحريري جانن جانن، بدّو يحسم بأي طريقة، وما عم ينام. وبالسعودية متابعين".

التسجيل يدور بين النائب عقاب صقر والمدعو "أبو لؤي" ومحور الحديث هو الرئيس سعد الحريري الذي على ما يبدو "جانن" و"ما عم ينام" و"بدو يحسما" و"بالسعودية متابعين".

عقاب صقر : ألو
لؤي المقداد : أي عقاب

عقاب صقر : اي لؤي خلّيك معي دقيقة (عقاب يتحدث مع شخص اخر على الهاتف ): ألو اي ، لا لا رح تنحل رح تنحل رح تنحل ، عم نتابعها ، عرفت عرفت ، و بالسعودية وكلّن متابعين. لا حتنحسم انشا الله هيدي حتنحسم عالأكيد . يلا يلا منتواصل ، طيب طيب ، بحطك بالجو لحظة بلحظة ، الله معك الله معك .
عقاب صقر : الو الو ، اي لؤي

لؤي المقداد : اي حبيب شو في ؟
عقاب صقر : خربانة خربانة عالاخر

لؤي المقداد : مين هاد الشيخ سعد ؟
عقاب صقر : الرئيس الحريري جانن جانن بدو يحسم بأي طريقة لازم تنحسم

لؤي المقداد : يا عمي أنا اليوم
عقاب صقر : حكيت معون شو قالولك ؟

لؤي المقداد : حكيو معي اليوم شي عشر مرات نفس الاحتياجات و أقل شي بدن ذخيرة متوسطة يعني
عقاب صقر : ذخيرة متوسطة ؟

لؤي المقداد : اي أقل شي ، انت حطيت الشيخ سعد بالصورة ؟
عقاب صقر : حطيتو بالصورة ، وصدّق ما عم ينام ، لحظة بلحظة ثانية ثانية عم يتابع ، وبدو يحسمها بأي طريقة وعم يقلّي هَيْ تحديدا لازم تنحسم ، ما في أي مجال للفشل

لؤي المقداد : عقاب في مشكل انو اللي عم بيعانو منو انو يا اخي المنطقة بتسقط وإذا سقطت المنطقة بالنسبة الهن يعني متل دومينو بتسقط كل المناطق المحيطة ، عرفت ؟

عقاب صقر : يا اخي أنا فهمان هيدا الشي . بس عم قلك حكيت مع دولتو عم بيقول بدنا نحسمها وما فتنا بالتفاصيل وما بدنا نفوت نحنا بالتفاصيل ، نحنا عنا قضية بدنا نحسما ونخلص وتنتهي.

*** للإطلاع على الحلقة الثانية من التسجيلات التي نشرتها صحيفة الأخبار إضغط هنا

*** للاطلاع على نص الحلقة الاولى إضغط هنا

*حفاظاً على حقوق الملكية الفكرية يرجى عدم نسخ ما يزيد عن 20 في المئة من مضمون الخبر مع ذكر اسم موقع الـ LBCI الالكتروني وارفاقه برابط الخبر Hyperlink تحت طائلة الملاحقة القانونية