قضيتي هالسنة على عيد الميلاد هي ولاد SOS كفرحي - البترون. 6 أولاد، ببيت واحد، جامعتن "ماما ابتسام"... ولاد بحياتن في مشاكل معقدة وصعوبات كتيرة، بس بالرّغم من كل شي هنّي دايما مبتسمين وعم يضحكو كأنو الدّني بألف خير.
خلال كل وقت زيارتي لعندن، من أوّل ما وصلت، ما تركوني ولا لحظة، اهتمو فيي مثل ما بيهتمو ببعض- ما تركولي مجال ما حبن.
هالصّور بتخبر أكتر عن زيارتي وعن هالولاد يلي حبيتن... بتمنّى تحبّوهن قد ما انا حبيّتن!