هل أهانت المرأة؟.. نجوى كرم توضح وجهة نظرها

3^min

بعدما إتهمها بعض روّاد مواقع التواصل الإجتماعي بإهانة المرأة، أصدر المكتب الإعلامي للفنانة نجوى كرم بياناً توضيحياً عن تصريحاتها حول المرأة ودورها في المجتمع، وأبرز ما جاء فيه:

"صرّحت نجوى بأنّها ضدّ المبالغة في المطالبة بحقوق المرأة التي عليها تأدية دورها بأكمله كأمّ وزوجة دون الانتقاص من أنوثتها، حيث قالت: "ما بحبّ حقوق المرأة تزيد عن حدّها، عم نصير بخطر. وما بحبّ رجولية الرّجل تقلّ عن حدّها، منصير بخطر. أنا بخاف يصير الرّجال بالآخر يقوم يسهر عالأولاد باللّيل والمرأة تيجي تقلّو أنا تعبانة اليوم قوم إنت عمول حليب للولد، والصّبح يقلّها شو طابختيلنا بتقلّو أنا مش قادرة اليوم عندي شغل.. حبّذا لو كانت السّت بتعمل كل يللي لازم تعملو ببيتها وإذا كانت قادرة تشتغل لتسند جوزها إذا كان هوّي بحاجة، مش لتقول بدّي عبّي وقتي. أنا ضدّ إنو المرأة تقول بدّي عبّي وقتي أو حتى ما إضجر. شغلك كَإمرأة مش ممكن تضجري فيه. بدّك تنضّفي بدّك تطبخي، مش اتديري أعمال الخدم والسّواق. إذا كانت إمكانيات زوجك وإنت قادرة تعيشي عيشة معيّنة أنا بفضّل تكوني إنتِ بقمّة أنوثتك وجمالك قدّام مشروع هالحياة لمّا إنتِ تجوّزتي لتقدري تربّي جيل صالح ما تتركيه للخدم وأنا بعتذر من كلّ السّتات يللي بيعترضوا عَ رأي".

وتابع البيان: "انقسم الرأي العام على مواقع التّواصل الإجتماعي بين مؤيّد لرأي كرم باعتبار أنّها تُعزّز أهمية دور المرأة كأم وزوجة قبل شيء، ومعارض للحدّ من أهميتها على الصّعيد العملي وتواجدها الإجتماعي. وبناءاً على كلّ ردود الفعل، قرّرت كرم توضيح وجهة نظرها: بدنا نفرّق بين حقّ المرأة الإجتماعي، وبين دورها بالحياة.. هي عامود فقري لتأسيس عيلة عظيمة وعينا عٓ إنّو البيت هوِّ إمّالمدرسة هي إم ووراء كلّ رجل عظيم امرأة مش يضيع التّوازن ويصير شغلها لتعبايِة فراغ منّي ضدّ تحقيق وجودها ونجاحها طالما عارفة واجباتها وأهمّية دورها بتأسيس عيلة هَيْدي السّت يلّي بشوفها بعيد الأمّ عم تتكرّم، لأنها بتهزّ سرير ولدها بإيد وبتهزّ عرش الكون بإيد تانية وعي، ثقافة، حنّية، أمّ، أخت، زوجة، حبيبة ومدرسة الأجيال ما ننسى هَوْدي الصّفات أو صرنا عم نحكي عن حدا تاني.. هيدا رأيي".

فنّ

نجوى كرم

حقوق المرأة

أنطوان كرباج يسدل الستارة على تاريخ من العطاءات الفنية