إنفصال جديد في الوسط الفني.. 412 Missed call لمعرفة التفاصيل! -...

2^min

إنفصل ملك جمال لبنان السابق غسان المولى عن زوجته الممثلة المصرية إيمي سالم فأثارا بلبلةً عبر مواقع التواصل الإجتماعي.

في التفاصيل، كتبت الممثلة إيمي سالم عبر حسابها الخاص بموقع التواصل الإجتماعي فيسبوك "أولاً، أحب أشكر ال 412 Missed call اللي جولي في خلال ساعتين و ال 1293 رسالة. ثانياً، كنت بفضّل خبر انفصالي عن ابو اولادي ما يخدش الحجم الأوفر ده. لا احنا اول ناس و لا آخر ناس تنفصل، ومهما كان احنا عشرة عشر سنوات نتج عنها ثلاث صبيان اللي لسه ما يعرفوش خبر الانفصال في حين ان الوطن العربي كله عرف وده حاجه مخلياني في غاية الاستياء".

وتابعت " ثالثاً، أرجو عدم التحدث في هذا الموضوع لأن في مقولة بتقول ان البيوت اسرار، بس واضح ان المقولة دي عمرها الافتراضي خلص. رابعاً، مش من حق اي حد يعرف التفاصيل لأنها المفروض حاجة شخصية. خامساً، يا ريت الكلام يبقى علي قد اللي انا بكتبه وما يخدش حجم أكبر من حجمه لمصلحة الغير. وما ننساش ان في اولاد في يوم من الايام هيقروا اي حاجة هتتكتب عن ابوهم وأمهم. فيا ريت نراعي ربنا في ده".

وأضافت "سادساً، سيظل غسان عشر عمري و حبي الاول وأبو احلى ٣ ولاد فيا ريت لا حد يألف ولا يبتكر سيناريو لسبب الطلاق لأنه في الاول وفي الآخر نصيب ومحدش عارف ربنا كاتب ايه. سابعاً، السوشيال ميديا نقمتها اكبر من نعمتها ويا ريت الناس تستخدمها في الاطار الصحيح لما صنعت له و ليس لضرر الغير".

وختمت إيمي سالم رسالتها الطويلة بعبارة "ربنا يهديني و يهديه عشان خاطر الولاد قبل خاطرنا".