10 تموز 2019 - 05:05
Back

باتريك مبارك يكشف هوية الصحافية: "أعتذر عن قلّة أخلاقك وأمي مسلمة"

باتريك مبارك يكشف هوية الصحافية Lebanon, news ,lbci ,أخبار الصحافية,باتريك مبارك ,باتريك مبارك يكشف هوية الصحافية
episodes
باتريك مبارك يكشف هوية الصحافية: "أعتذر عن قلّة أخلاقك وأمي مسلمة"
Lebanon News

تحوّل إسم الممثل اللبناني باتريك مبارك إلى هاشتاغ ضمن قائمة الهاشتاغات الأكثر تداولاً على تويتر في لبنان بسبب ردود الفعل الّتي أثارها تصريحه الأخير عن رئيس الجمهورية ميشال عون والسيد حسن نصرالله ودين الإسلام، وما تبعه من إجراءات إتخذتها النقابات الفنيّة في لبنان بحقه.

 

وبعد الجدل الحاصل، سرد الممثل باتريك مبارك لأصدقائه على حسابه الخاص بموقع التواصل الإجتماعي فيسبوك ما حصل معه في بيانٍ طويل أبرز ما جاء فيه:

 

"أماني فياض هي اللي وصلتني بمدّة ساعتين وأربعين دقيقة وعندي صوتها وصوتي وكل الحكي. منعرف بعض من 3 سنين، بحترمها، اصغر كلمة بتقلي خلينا نحكي دايماً حبيبي قد منها لطيفة ومعي كل التسجيلات".

 

وأضاف باتريك مبارك "الحكي مزيج من عدة اتصالات، الحكي اللي قايلو بيني وبينها مش للنشر، وبالعلامة مبارح قالتلي منحكي بكرا حبيبي، كلو مكتوب وموجود".

 

وأوضح باتريك مبارك "للمجالس أمانات، ليش نزلت على صفحات التواصل الحكي اللي قلتو بطريقة استفزازية منها؟ بخصوص فخامة الرئيس، كان في جدال قصقصتو ونزّلتو على طريقتها، مع انو كل العالم بيعرفوا انو كنت بالجيش بلواء الأنصار وحاربت وانصبت وبعدني عم بتعالج لليوم".

 

وأردف باتريك مبارك قائلاً "بخصوص سماحة السيد، كانت فورة وسماحته بيعرف مين بيحبو، اعتذار ع ردة فعل، والكل بيعرف انو امي مسلمة من جويّا، وهي اللي علمتني اللي قدرت استوعبو من القرآن الكريم".

 

وتابع باتريك مبارك "بخصوص النقابات الفنية، اسمالله اكتر من الممثلين. لا تعليق، أصلاً أنا تارك النقابة من سنة 1999".

 

وختم "الواجب مني اعتذر عن أماني فياض كانت حابة تشهر حالها وتعمل سكوب. بعتذر عنها على قلة أخلاقك، على دناءتك، بس ربنا بيصطفل فيكي. وبالقانون رح طالك لأنو ما بيحقلك تتصرفي هيك تصرف مؤذي، اذا بقيت عايش رح طالبك بـ 5 مسلسلات ماضيون وإحالتك للقضاء".

الإعلان
إقرأ أيضاً