25 تشرين الأول 2019 - 03:28
Back

فارس اسكندر: "ويشتمولَك زعيمك شو يعني؟"

رسالة من فارس اسكندر بعنوان "صباح الوعي" Lebanon, news ,lbci ,أخبار فارس اسكندر,رسالة ,رسالة من فارس اسكندر بعنوان "صباح الوعي"
episodes
فارس اسكندر: "ويشتمولَك زعيمك شو يعني؟"
Lebanon News

تحت عنوان "صباح الوعي"، توجّه الشاعر فارس اسكندر إلى متابعيه عبر موقع التواصل الإجتماعي فيسبوك برسالة قال فيها: "بقناعاتي ومفهومي المتواضع، مبدأ التسامح بموضوع الشتيمة تحديداً والعفو عند المقدرة ومبادلة الإهانة بالمحبة وبالابتسامة وحتى التطنيش إن دلّوا على شيء فهني بيدلّوا على صلابة وقوّة شخصيّة وثقة بالنفس وتصالح مع الذات وترفّع عن السقوط بمستنقعات الفتنة اللي حفظنا زواريبها عن غايب وشرّبتنا من كوع دم ومن كوع سم".

 

وتساءل فارس اسكندر "يا خيي ويشتمولَك زعيمك شو يعني!؟ ما انت ع طلوع خلقك الله اللي خلقك وخلقلك زعيمك بتنزّلو عالأرض ميّة مرّة بالنهار، ماسكلي واجب مع زعيمك؟ ما بيعرف يحمي حالو هو مثلاً!؟ عندك قدرة وسلطة ومال وحرس ونفوذ قد ضفر إجرو لزعيمك انت يا مريض!؟ ليش هيك مغسول دماغكن!؟ ليش عاملين درع بشري لأشخاص متلنا متلهن؟ ناس عاديين لا بل بأخطائهن وسرقتهن إلنا فشروا يوصلوا لمرتبة العاديين او يكونوا متلنا".

 

وأضاف فارس اسكندر في منشوره "انتو لما بتنفعلوا وبتعصبوا وبتنتقموا وبتنجرّوا لهيك خلافات من تحت راس زعيم نايم بقصرو معرّم ومرتاح، بتكونوا بالضبط متل الفقير اللي ما معو إلا قوت يومو هو وولادو وراح عزم فيهن واحد مليونير ع مطعم على حسابو ليبيّض وجه معو وبس اتطلع المليونير بالاكل ما عجبو قرف وقلبت نفسو قام بهدل الفقير ع هيك عزيمة معفنة وعصب منو وفَـل... صباح الوعي".

الإعلان
إقرأ أيضاً