16 تشرين الثاني 2019 - 04:23
Back

والدة ديما صادق في العناية الفائقة بعد إصابتها بجلطة دماغية... ورسالة مؤثرة كتبتها لها

والدة ديما صادق أُصيبت بجلطة دماغية Lebanon, news ,lbci ,أخبار جلطة, ديما صادق ,والدة,والدة ديما صادق أُصيبت بجلطة دماغية
episodes
والدة ديما صادق في العناية الفائقة بعد إصابتها بجلطة دماغية... ورسالة مؤثرة كتبتها لها
Lebanon News

شاركت الإعلامية ديما صادق صورة مؤثرة مع والدتها عبر حساباتها على مواقع التواصل الإجتماعي، بعد نقل الأخيرة إلى المستشفى إثر إصابتها بجلطة دماغية.

 

وقد كتبت ديما صادق منشوراً مؤثراً على فيسبوك قالت فيه: "كل يوم تهديدات كل يوم مسبات كل يوم شماتة ولا شي أثر فيي بس وصلوا لإمي. أسبوعين ما هدي تلفونها ولا هديوا أعصابها. بنتك هيك وهيك وهيك يقولولها. انت هيك وهيك وهيك يقولولها وهي حجة ثمانينية. "مبسوطة يا بنتي عم يقولو هيك لامك". يا ديما انا ما بدي اتبهدل بآخر عمري تقللي".

 

وتابعت ديما صادق "قلها يا ماما ليه ما قادرة تشوفي انه هني بلا أخلاق ليه عم تلوميني الي؟ تقللي لا انت عمايلك ما معقولة. انت عم تطلعي مننا. تترجاني وقف وانا ما وقف. ولا التلفونات وقفوا. بعتولها حتى صورة فوتوشوب مسيئة مش لألي، يا ريت لإلي، لإلها. يومها قضت النهار عم تبكي. وانا قضيت الليل عم احلم انه صرلها شي من ورايي ومن ورا كل التلفونات اللي عم بوصلولها".

 

وأردفت قائلةً "اليوم فقت على خبر انه امي بالعناية. امي عملت جلطة بالدماغ. متل ما كنت عم احلم كل ليلة. مين عمل فيها هيك؟ انا أو هني؟ ما بعرف. او يمكن تنايناتنا. يا امي إذا انا عملت هيك ببوس كعب اجريكي سامحيني والله كنت مفكرة اني عم اعمل الصح، والله كنت مفكرة عم اعمل الخير".

 

وختمت "اذا هني اللي وجعولك راسك يا عمري انت لك بأمرهن، اللي بدهن ياه، لك السيد حسن على راسي من فوق، لك يطلع باسيل رئيس وانا اول وحدة بزقفلو، لك عمره ما يكون شي، لا مبادئ ولا ايمان ولا قضية ولا  شي.. بس ببوس ايديكي قومي ورجعيلي بالسلامة".

 

بدورنا، نتمنّى الشفاء العاجل لوالدة الزميلة ديما صادق.

 
الإعلان
والدة ديما صادق في العناية الفائقة بعد إصابتها بجلطة دماغية... ورسالة مؤثرة كتبتها لها
إقرأ أيضاً