16 تشرين الأول 2020 - 03:24
Back

نجوم "غربة" في رسائل دعم إلى ليليان بستاني.. خلعت الشعر المستعار وحاربت السرطان (فيديو)

رسائل حب ودعم من أبطال "غربة" الى ليليان بستاني Lebanon, news ,lbci ,أخبار السرطان, ليليان بستاني,غربة,رسائل حب ودعم من أبطال "غربة" الى ليليان بستاني
episodes
نجوم "غربة" في رسائل دعم إلى ليليان بستاني.. خلعت الشعر المستعار وحاربت السرطان (فيديو)
Lebanon News

"من كم شهر" هو عنوان العمل الجديد الّذي أطلقته المخرجة ليليان بستاني لتوثيق مراحل محاربتها لمرض السرطان وانتصارها عليه، في رسالة تبعث روح الأمل والقّوة وعدم الإستسلام في قلوب المشاهدين.

 

سردت ليليان بستاني قصّتها مع مرض السرطان في أغنية أخرجتها بنفسها مع المخرج جان كيروز، ويتضمّن الفيديو مشاهد تكشف عن شجاعتها من خلال التخلّي عن الشعر المستعار أمام الكاميرا.

 

وأرفقت ليليان بستاني العمل برسالة طويلة في نهاية الفيديو، وجاء فيها: "كرمال كل انسان جرّب السرطان يهزمو ويحفر بقلبو الوجع والضعف والانكسار، بقلّو: ما اخلي الاستسلام يكون خيار، خلي التحدي بالايمان يحتّم الانتصار".

 

وتلقّت مخرجة مسلسل "غربة" ليليان بستاني رسائل حب ودعم من أبطال المسلسل الّذي يعرض عبر شاشة الـ LBCI، فدوّن الممثل وسام حنا: بالشهر العالمي لسرطان الثدي، تحية لكل بطلة عم بتحارب بأمل. تحية لمخرجة مسلسل ‫غربة ليليان بستاني يلي هيّ من هالبطلات يلي من سنتين وهي كانت عم تحارب على السكت". 

 

وأضاف "تحية لهالوجه يلي ما بيعرف الا يضحك وعيون مضوية ايمان، وباذن الله بكون النا الشرف نرجع منوقف قدام كاميرتك لأنو انت انسانة مليانة وفاء وحب وايمان. وفاء لكل حدا اشتغل معك، حب لهالوطن يلي اسمو لبنان، وايمان بالدراما اللبنانية. بحبك".

 

وكتبت الممثلة فرح بيطار "إمرأة قوية، سلامة قلبك ليليان بستاني". كما علّقت الممثلة صولانج تراك: أنا فخورة بصداقتي مع هذه الإنسانة الجميلة. أحبّك جداً، انت محاربة".

 

وعلّقت الممثلة يمنى بو حنا قائلةً: " ليليان انتي أقوى من القوة! تحية لوجعك و معركتك و إنتصارك. بحبك كتير!".

 

وكتب الممثل رالف معتوق "من كم شهر، اكتشفت إنو يلّي كنت قول عنّا قوية طلعت قوية كتير. ليلو، مرضك وجّعني، بس كنت أكيد إنك رح تغلبي! وغلبتي".

 

وجاء في تعليق الممثلة جومانا شمعون " يا حبيبة قلبي وجعني قلبي من البكي وكبّر كتير لانك كنت قوية صبورة ومؤمنة تحديتي بكل ايمان محبة الله ما تركك وشربل رح يكفي معك للآخر ..سلامة قلبك الحلو".

الإعلان
 
 
الإعلان
إقرأ أيضاً