تشكّرت الممثلة السوريّة سلاف فواخرجي الرئيس السوري بشار الأسد بعد الانتهاء من التعازي بوفاة والدها، فنشرت عبر انستغرام " السيد الرئيس بشار الأسد، السيدة الأولى أسماء الأسد، نشكر لكم مواساتكم لنا على مصابنا برحيل فقيدنا الغالي والدنا رحمه الله. أدام الله صحتكم وحماكم وعائلتكم وأدامكم لخير هذا البلد".
بالمقابل، نظمت سلاف فواخرجي شعراً مبكياً لوالدها الراحل، فكتبت: " شو يعني ادخل البيت وما شوفك. شو يعني دور عليك وما اتبارك بوشك. شو يعني ما إوعى الصبح ع اسمي من تمك. شو يعني يبقى الصدى ويغيب صوتك. شو يعني انت مالك هون بس مّلّلي الدنيه عطرك. وشو يعني يمرق وقت وماتكون وقتي واحمل همك. وشو يعني بطّل اعمل صبي حلاق واحلقلك. شو يعني ساعتك ع جنب ومانها بإيدك".
وتابعت سلاف "شو يعني كتابك مسكّر وباردة مكتبتك. قميصك المكوي بزيادة وبيجامتك وتفاصيلك. الزيتونة كانت ناطرة أول مطرة. انجرح المطر بروحتك ، ونشفت. العنب بطّل حلو ومنه الدمع أحمر. والصبار زاد شوكه قهر وأسى بعدك. والياسمينة دبلت على غيابك مش مصدقة. وبعدها عالباب ناطرتك. يابابا … كنت ضل شوي … اشتقت شمك. لو عشت العمر عمرين ، بحاجتك. وبيبقى بكير وبعد بكير. وماشبعت منك".