يبدو أن نجم ستار اكاديمي المصري محمد عطية من محبّي الوشم، فكشف أخيراً عن وشمه الرابع وهو إسم والدته سامية.
وعلّق الفنان محمد عطية على الصورة بكلمات مؤثرة، فقال: "إمبارح عملت رابع تاتو فجسمي. أكتر تاتو كان نفسي أعمله. "سامية" إسم أمي، أهم شخص في حياتي والإنسانة الوحيدة اللي تستاهل يكون إسمها على جسمي ما يطلعش منه".
وتابع عطية "أمي هي أقرب صديق لي.. بتعرف تتقبلني مع كل تغيير بيحصل في تفكيري وفي حياتي حتى لو مش متناسب مع أفكارها وتقاليدها وعادتها. أمي عرفت تعمل اللي أغلب الناس في مجتمعنا فشلوا يعملوه، قدرت تفهم مقولة من اكتر المقولات اللي صعب الناس تعرف تطبقها وهي: "لا تربّوا أولادكم كما ربّاكم آباؤكم، فقد خلقوا لزمان غير زمانكم".
وختم محمد عطية "أمي عارفة كل أسراري وملجأ ليا في أي أزمة. مهما كبرت بفضل ضعيف من غيرها. أي حاجة وصلتلها وأي حاجة قدرت أحققها هي كانت سبب مباشر فيها. أمي هي الشخص اللي فضل مؤمن بيّا حتى في الوقت اللي أنا فيه فقدت الأمل والثقة فى نفسي. أول مكالمة تليفون لأي شغل بيجيلي بتكون ليها. الدعوة اللى بتدعيهالي في آخر كل مكالمة قادرة تحوّل أي مشكلة أو هم لشيء سهل وبسيط... سامية أكتر حد فاهمني ومستحملني بكل عيوبي وأخطائي".
View this post on Instagram A post shared by Mohamed Attia (@mohamedattia)
A post shared by Mohamed Attia (@mohamedattia)