أعلنت خبيرة الموضة اللبنانيّة غنى غندور إصابتها بمرض سرطان الثدي، ونشرت صورها من داخل المستشفى وأرفقت منشورها برسالة طويلة.
في التفاصيل، فدوّنت غنى غندور عبر تطبيق انستغرام التالي: "دايماً تعوّدتوا على صوري انو تنشر الفرح والايجابية واليوم ما رح يتغيّر شي، رح ضلّ غنى القويّة والمتفائلة بالحياة بالرغم من انو بتاريخ ١٠ اب عرفت انو معي سرطان الثدي".
وتابعت غنى غندور "الفترة الجاية ما رح تكون سهلة عليي وعلى عيلتي بس ما تركت هالشي يمنعني اتغيّر وضلّيت غنى يلي تعرّفتوا عليها يللي دائماً بتفّكر انو بكرا احلى وقلت الحمدلله كنت محظوظة والله تلطّف فيني واكتشفتو بوقت مناسب".
وختمت غنى غندور منشورها بالقول "اليوم وانا طالعة من العمليّة وقبل ما بلّش برحلة العلاج الطويلة، حبّيت خبّركم لشدّد على أهميّة التوعية لكلّ امراة عن الفحص والكشف المبكر وشكراً لكلّ المحبّين يللي ما تركوني، بحبكم".
View this post on Instagram A post shared by G H I N A G H A N D O U R (@ghinaghandourofficial)
A post shared by G H I N A G H A N D O U R (@ghinaghandourofficial)