رغم مرور 10 سنوات على زواجها، إرتدت كاتبة مسلسل "علاقات خاصة" نور الشيشكلي فستان الزفاف الأبيض برفقة زوجها كاتب مسلسل "كاراميل" مازن طه، وذلك على طريقة الأحداث المفاجئة في المسلسلات.
ونشرت نور صورتها بالفستان الأبيض وكتبت "قبل عشر سنوات سألني بتتزوجيني يا بنت بدون تردد ولاتفكير قلتله إي بتزوجك، قلي مارح نعمل عرس.. ما راح يكون في زفة ولا فستان أبيض. كرماله اتخليت عن كل شي.. ما كان عندي مشكلة بشي".
وتابعت "بس ضل الفستان الأبيض غصة جواتي.. من نحنا وصغار أول لعبة بنلعبها عروس وعريس وأول فستان بيلبسونا ياه أهالينا هو الفستان الأبيض.. هو رمز حلمنا من نحنا وصغار.. كبرت جنبه ومعه وفيه وضل الحلم جواتي".
وأردفت قائلةً "وبعد عشر سنين قلي حلمك رح حققه.. أنا وعدتك إني حققلك أحلامك كلها... فستان أبيض وزفة وحلم جديد.. كان صوت التصفيق قوي كتير.. وزغاريد كتييير.. كانت الفرحة أكبر بكتير من إنه تختصرها حروف".
وختمت "وبعد عشر سنين لبست الفستان الأبيض.. وهمسلي ما قلتلك خلقت الأحلام لتتحقق".