قررت الممثلة ورد الخال اغلاق حساباتها على مواقع التواصل الإجتماعي، وأعلنت عن خطوتها المفاجئة تحت عنوان "رسالة أخيرة" جاء فيه:
" اليوم أخذت قرار تسكير كل حساباتي التواصلية لأني ادركت أخيراً انو ما بنتمي لهالعالم المسمى تواصلي. وهالتواصل اللي بيدمر كل انسان ذكي وبيحطو عرضة لأنياب الدنيا السخيفة وبيخليه يصير اسير لاطراء من هون وشتيمة من هناك".
وتابعت ورد "يمكن يعتبر قراري استسلام او انسحاب، فليكن اليوم قبل الغد، انقاذ لشخصي وانسانيتي اللي كل يوم عم يكونوا بمتناول الصالح والطالح! عرف عني بما فيه الكفاية. أفدت، ونادراً ما استفدت. قلال فعلاً اللي بيستاهلوا كلمة او صورة او خبر، ولهؤلاء المحبين الاوفياء من كل المجالات بقلن شكراً، وعذراً على وداعكم".
وأردفت قائلةً "ان شاء الله ما تعرفوا عني الا كل شي حلو، من خلال اطلالاتي التلفزيونية واعمالي (وبزيادة) متل ما انا ما بدي اعرف عن حدا اكتر من ما عرفت".
وختمت ورد الخال رسالتها "آخر شي بقول، مشكور كل شخص تابعني وأكيد بعيداً عن هالصفحات اللي بتقدم وتحترم الانسان والفنان وما بتتطاول عليه ولا بتطالو.. باختصار ومتل ما بيقولوا: حددنا الخسائر.. مع محبتي واحترامي للقلال".
رسالة اخيرة .. pic.twitter.com/yHKmRQCScf — Ward El Khal 🌹 (@wardelkhal) January 10, 2018
رسالة اخيرة .. pic.twitter.com/yHKmRQCScf