قصدت الفنانة باسكال صقر ساحة الإعتصام في منطقة جل الديب وغنّت أغنية "بالشوارع"، وتوجّهت إلى المعتصمين بكلمة قالت فيها:
"وقت عملنا أغنية بالشوارع بال2015، كلّ الشعب نزل عالشارع بسبب النفايات، شو عملوا من وقتها لهلق؟ ما عملوا شي، هودي 4 سنين راحوا من عمرنا وروّحولنا عمرنا وما عم بيحقّقوا شي".
وتوجّهت باسكال صقر بكلمتها إلى رئيس الجمهوريّة اللبنانيّة ميشال عون بالقول "أنا بدّي قول للشارع المقابل نحنا أخوة، أنا عملت غنيّة للرئيس عون وقت رجع من فرنسا اسمها "جايي البطل". نحنا كنّا حدّك فخامة الرئيس، وانت عطيتنا شعارات كتيرة وحلوة، وهو حكاني شخصيًا انّو بدّن يتبنّوا أغنية "بالشوارع" للمرحلة الجايي، وقلتلو أكيد جنرال".
وأضافت باسكال صقر "طيب يا جنرال ما عملتوا شي، ولا ملف فساد انفتح، عشان هيك نحن عم نطالب انو كلّ السلطة تسقط لأنها ما عم تشتغل، نحنا مش ضد الأشخاص، ضد كلّ هالسلطة يللي عم بتفقّرنا، نحنا عم نطلب بس ما يكون في شارع مقابل، كلنا منحبّ بعض".