هل هاجم الفنان وديع الشيخ الثوّار اللبنانيين؟ إنّه السؤال الّذي طرحه عددٌ من الناشطين عبر مواقع التواصل الإجتماعي في الأيام الماضية، إستناداً إلى كلمات أغنية كان قد أطلقها في أحد الملاهي الليليّة.
وفي التفاصيل، فقد ظهر وديع الشيخ في أحد الفيديوهات وهو يغنّي "شو ما يصير وشو ما صار، دايماً نحن متل النار، قال ناطرين الرئيس يقدّم استقالته، ولك فيق من وهمك يا حمار".
وفي حين هاجمه البعض مُعتبرين أنّه وصف الثوار بـ "الحمير"، خرج وديع الشيخ عن صمته عبر حسابه الخاص بتطبيق الصور إنستغرام وأوضح:
"فيق من وهمك مش فيقوا، قلت فيق قاصد شخص واحد كان موجود. خلص بقى استحوا عحالكن حاجي تحرّفوا عيب عليكن".
وأردف وديع الشيخ "عملت ردّية للثورة وما بدنا طائفيّة، مبيّن ما نشرتوا بس كلّ واحد عم يوصّل حكيي للناس غلط وعم يستغلّ الفرصة لأنو ما خلّوا طريقة ليحاربوني فيها".
وختم وديع الشيخ "جاييك يوم، أنا وياك والزمن طويل، بكرا كلّو بيبيّن وبتعرفوا مين صح ومين غلط، مشكورين والله يوصّل كل انسان ليللي بدّو ياه".
View this post on Instagram A post shared by Wadih el cheikh 🎤 وديع الشيخ (@wadihelcheikhofficial) on Oct 31, 2019 at 9:11am PDT
A post shared by Wadih el cheikh 🎤 وديع الشيخ (@wadihelcheikhofficial) on Oct 31, 2019 at 9:11am PDT