بعدما أصدر وزير الثقافة اللبناني عباس مرتضى قرارًا يسمح لشركات الانتاج الدرامي استئناف نشاطها مع الحفاظ على معايير الحماية الصحية المتبعة لمكافحة فيروس كورونا في لبنان، خرجت الممثلة هيام ابو شديد عن صمتها برسالة حملت عنوان "قرارك مش بمحلو".
وجاء في منشور هيام ابو شديد التالي: "عذراً معالي الوزير عباس مرتضى، قرارك مش بمحلو. مش شغلة وزير الثقافة معايير الصحة وأمن المواطن الصحية!! هيدي شغلة وزارة الصحة".
وأضافت "إذا هيك مفهومك للموضوع، يعني الكل فيهن يشتغلوا وينتبهوا على المعايير مش بس الفنانين. بتعرف معاليك إنو المعايير بالتمثيل لا تُحترم؟ ما فينا نمثّل بالكمامة ولا فينا نوقف بعاد عن بعض متر ونص!! وإذا لازم بالمشهد نغمر بعض؟ شو منعمل؟".
وتابعت هيام أبو شديد رسالتها قائلةً "وين بتروح بعدد المشاركين بالتصوير من تقنيين وفنيين: تصوير وإضاءة وصوت ومكياج وملاب وإخراج وديكور وأكسسوار وإنتاج وطعام.. إلا إذا حضرتك مفكّر انو بس الممثلين بيعملوا مسلسل؟".
وختمت هيام ابو شديد "اذا فيك تسمح لنفسك تكسر قرار وزير الصحة، وتخاطر بحياتنا اللي هي مش ملكك، بكرا بيحق لوزير الصحة يطلع بقرارات تنظّم وزارة الثقافة! يعني مخلوطة".
View this post on Instagram
#إدارة_الكوارث #خليك_بالبيت #عباس_مرتضى #وزارة_الثقافة #حمد_حسن #وزارة_الصحة #حسان_دياب #ممثلين_لبنانيين #دراما_لبنانية #رمضان2020 هيدا_حرام #مخلوطة #staysafe #covid_19 #coronavirus #lebaneseactors #lebanesedrama
A post shared by Hiam Abou Chedid هيام ابو شديد (@hiamabouchedid) on Mar 19, 2020 at 12:10pm PDT