يبدو أن الفنان عامر زيان يتعرّض لمحاولة الإساءة لسمعته، فأوضح عبر حساباته على مواقع التواصل الإجتماعي أنّه يتعرّض منذ سنوات لعمليّة إنتحال شخصيته على تطبيق سناب شات.
"صارت القصة بالقضاء وبالقانون رح جيب حقّي، وكلّ حادث إلو حديث. الأزعر والمريض لازم يتعاقب"، بهذه الكلمات أعلن عامر زيان أنّه سيلجأ إلى القضاء بعد تعرّضه لإنتحال شخصية.
وتابع "مع إنو كلنا مشغولين بالكورونا بس الموضوع دقيق: في شخص صرلو ٣ سنين عم يتسلّى فاتح سناب شات وهمي بإسمي وعم يحكي مع الناس ويقلل أدب. ما رح يتعلّم.. اليوم عرفت مين بيكون، طلبت منّو أكتر من مرة يسكّر الحساب ويوقف يحكي مع الناس ويستخدم صورة باسبوري، بس بعدو عم ينكر".
وسرد عامر زيان التالي "من فترة اتصلت بقائد الشرطة القضائية العميد أسامة عبد الملك ومشكور عإهتمامو الكبير بالموضوع والعميد بلال حجار ورئيس مكتب مكافحة الجرائم المعلوماتية وكمان مشكورين وتقدّمت بشكوى ضد مجهول. بس اليوم عرفت مين بيكون والأجهزة الأمنية صار عندها علم وخبر بالموضوع وباسم الشخص وهويتو. حبّيت وضّح هيدا الشي لكلّ حدا كان عم يحكي معو عأساس أنا. ما عندي أي حساب على سناب شات".