تقدّم نجوم التمثيل والغناء بأحر التعازي للممثلة جيسي عبدو بفقدان والدها إثر حادث حريق نشب في منزل العائلة الكائن في منطقة ذوق مكايل.
ونشرت الممثلة ماغي بو غصن صورةً قديمة لصديقتها جيسي عبدو مع والدها الراحل، وكتبت " مش عارفة شو بدي قول... أحرّ التعازي لصديقتي واختي وحبيبة قلبي وعمري بفقدان والدها الغالي الحبيب جورج. الله يرحمك يا ملاك وتكون نفسك بالسما".
مش عارفة شو بدي قول.. احر التعازي لصديقتي واختي وحبيبة قلبي وعمري بفقدان والدها الغالي الحبيب جورج.. الله يرحمك يا ملاك وتكون نفسك بالسما 🙏@JessyAbdo pic.twitter.com/914it6IKx8 — Maguy Bou Ghosn (@MaguyBouGhosn) May 17, 2020
مش عارفة شو بدي قول.. احر التعازي لصديقتي واختي وحبيبة قلبي وعمري بفقدان والدها الغالي الحبيب جورج.. الله يرحمك يا ملاك وتكون نفسك بالسما 🙏@JessyAbdo pic.twitter.com/914it6IKx8
وغرّد الممثل وسام صباغ " ما في كلمات ممكن تبّرد قلبك بفقدان والدك الطيب جورج، الله يرحم روحو ويصّبركن عالخسارة الكبيرة".
وكتبت الفنانة نانسي عجرم " الموت صعب وخسارة الأب ما في شي بيعوضها. الله يرحم والدك وتكون خاتمة الأحزان يا جيسي عبدو".
ودوّنت الفنانة يارا " عنجد خبر مُحزن ومؤسف جداً... حبيبتي جيسي عبدو الله يصبّركم يا رب، وتكون نفسو بالسّما".
أمّا الممثل وسام حنا فغرّد " يا عيون قلبي انت. الله يصبر قلبك. بتذكر كتير منيح لما كنا محجورين بابوظبي بالتصوير كنتِ كل يوم عتلانة هم اهلك وتقوليلي خيفانة يصير معن شي وانا هون... قلبي موجوع عليك كتير. جورج تكون نفسو بالسما".
بدورها، عزّت الممثلة دانييلا رحمة زميلتها جيسي بالقول " خسارتك كبيرة والخبر كتير بيوجع.. توصلي بخير حبيبتي ع بيروت وتجتمعي بعيلتك بأسرع وقت.. الله يرحمو وتكون نفسو بالسما يا رب".
وكتبت الممثلة داليدا خليل " الله يصبركن يا رب وتكون نفسه بالسما. المسيح قام".
وغرّدت الممثلة ستيفاني صليبا " قلبي معك يا جيسي... ما في وجع أكبر... الله يعطيكِ ويعطي عيلتك الصبر".
وواستها الممثلة رولا شامية بهذه الكلمات " حبيبتي جيسي كل الكلمات ما بتعبر لأن مرقت فيها وصعبة كتير، الله يصبرك والله يرحمه وتكون نفسو بالسما".
كما كتب الفنان نادر الأتات " قلبي عم يوجعني!! الموت صعب، بعرف ما في كلام بواسي ولا شي رح يعوض غيابو. الله يرحم روحو ل ابو أنطوني ويصبر قلبكن حبيبة قلبي".