بالتزامن مع تسارع الأحداث في مسلسل "بالقلب" الذي يعرض طيلة شهر رمضان على الـLBCI، ووفاة شخصية امال التي تجسد دورها الممثلة اللبنانية دارينا الجندي، كشف طارق سويد بمنشور عبر حسابه على انستغرام عن مشوارها في المسلسل.
فتحدث طارق سويد (كاتب القصة والسيناريو والحوار) كيف استبعد في بداية الأمر أن تُؤدي دارينا دور امال كونها كانت في فرنسا ولديها أعمالها الفنية الخاصة بها هناك، وكتب:" بتذكر نهار اللي كنا فيه بالمكتب عم نفكر بالكاست، سئلوني جوليان و ميّ شو رأيك دارينا الجندي تكون امال؟ ، قلتلن بحبا كتير، بس شيلو الفكرة من راسكن، دارينا عايشة بفرنسا وعندا افلام برا و أعمال مسرحية و ارتباطات".
وأضاف:" قالو شو منخسر اذا بعتنالا ايميل؟ و هيك صار قريت دارينا و عشقت الدور و قالت انا معكن. وصلت علبنان راحت مي جابتا من المطار، انا كنت ناطرا بالمكتب لإستقبلا... وصلت بتواضعا و أخلاقا و مهنيتها، حافظة مشاهدها و معمقة بخشصيتا و كل الشخصيات".
وأردف:"من أول حديث معها و لأن عندي نقطة الضعف عالناس الحقيقيين، حسيت انو لاء يا ريت امال ما بيخلص دورا هون، هيك يستفيد من موهبة دارينا و مهنيتها و وجودا اكتر. قالت لاء تروك امال يخلص دورها مطرح ما انت حسيت لازم يخلص دورها".
وختم منشوره قائلاً:"الممثل الحقيقي ما بيسئل عن مساحة الدور، و دارينا الجندي ممثلة حقيقية، و الأجمل و الأهم من هيدا كلو، انها انسانة حقيقية، متواضعة و كلها اخلاق.. بحبك دارينا كتير، و فخور كتير انو دارينا الجندي بطلة من أبطال قصتي".