25 كانون الثاني 2022 - 10:08
Back

نيكولا معوّض يكشف سبب اعتذاره عن المشاركة في فيلم "أصحاب ولا أعز"

لهذا السبب اعتذر نيكولا معوض عن المشاركة في فيلم "أصحاب ولا أعز" Lebanon, news ,lbci ,أخبار نيكولا معوض,أصحاب ولا أعز,لهذا السبب اعتذر نيكولا معوض عن المشاركة في فيلم "أصحاب ولا أعز"
episodes
نيكولا معوّض يكشف سبب اعتذاره عن المشاركة في فيلم "أصحاب ولا أعز"
Lebanon News
كشف الممثل اللبناني نيكولا معوّض أنّه اعتذر عن مشاركته في فيلم "أصحاب ولا أعز" الذي يثير الجدل منذ بدء عرضه الأسبوع الماضي ويعرّض أبطاله للكثير من الانتقادات.

وفي منشورٍ عبر صفحته على موقع فيسبوك، قال معوض:" يلّي متابعني منيح بيعرف انو ما بحياتي اعتذرت عن دور و بعدين طلعت قلت "هيدا الدور كان إلي".. مع اني ما بلاقيها غلط، بالعكس بلاقيها شغلة كتير عادية و ما فيها اي إنتقاص لا من الدور و لا من الممثل يلّي أخد الدور."
الإعلان

وأضاف: "بَسّ اليوم، مع كل الجدل يلّي عم نشوفوا حول فيلم "اصحاب ولا أعزّ"، كتير حابِب قول انو كان المفروض كون واحد من مُمَثّلي الفيلم.. و كمان حابب قول انو سبب اعتذاري ما إلو علاقة أبداً بالجَدَل الجاهِل العَقيم يلّي عم نشوفوا حاليّاً. 

وتابع:" اعتذرت لانو ظروف كورونا خلّت التصوير يتأجَّل أكتر من مرّة و كان عندي ارتباط مُسبَق بتصوير خارج لبنان، فا اضطرّيت انسحب من المشروع و انا عارف مُسبَقاً اني كتير رح إزعَل لمّا شوف الفيلم".

وأشاد نيكولا معوّض أيضاً بأداء زملائه أبطال فيلم "أصحاب ولا أعز" كما أعرب عن حزنه لعدم قدرته على المشاركة. 

وختم منشوره قائلاً:" تحيّة من القلب لكل حدا اشتغل على هالفيلم و لكلّ إنسان مؤمِن بِفَنّ حرّ و مُستقِلّ. بعرِف رح يكون في كتير تعليقات سلبيّة.. كان في ضَلّ ساكِت، بَسّ يلّي عم يتهاجَموا اليوم هنّي زُمَلاء وأصدقاء بحتِرِمُن،
 وكتير بحترم مشاركتُن بهالعمل، و واجِب عليّي وعا كل انسان بفَكِّر متلنا انو يوقف بصَفُّن. بعتذر سلف عن عدم الرَدّ."
 

الإعلان
إقرأ أيضاً