انتشر فيديو عبر مواقع التواصل الاجتماعي لحفل تخرج باحدى جامعات الكسليك تظهر فيه احدى المتخرجات وهي ترفض مصافحة وزير الخارجية والمغتربين جبران باسيل بوقت تسلمها شهادتها.
وبعد الجدل الذي اثاره الفيديو، كتبت شابة اسمها فانيسا بدران على صفحتها على فايسبوك : "لي حابب يعرف مين البنت اللي خيبت آمال الوزير جبران باسيل، بحب خبركن بكل فخر ومن دون تردد: انا البنت اللي ما سلمت عجبران. عرفتوا ليش؟ لأنو ما بيشرفني استلم شهادة نضيفة بتأمّنلي مستقبلي على يد من شارك في صنع الفساد، اللي خرب مستقبل كتير غيري وعم بيقول انو عم يسعى لتأمين مستقبلنا وعم يوهمنا بأشغال كتيرة ومستقبل باهر. انا ما سلمت مش لإستهزأ بالوزير، ما بالي صراحة بيوم تخرجي استهزء بحدا".
وصدر بيان عن الجامعة كذبت من خلاله التبني الصادر عن فانيسا بدران.
واوضحت الجامعة ان الطالبة التي ظهرت بالفيديو هي فانيسا بستاني وقد قدمت مع عائلتها الاعتذار لادارة الجامعة التي تختار كل عام شخصية لرعاية حفل التخرج.